Arturo Parada Diéguez

Breve CV

Arturo Parada é licenciado en Filoloxía Hispánica pola Universidade de Santiago de Compostela e Doutor en Filoloxía Alemá pola Universidade Complutense de Madrid, onde cursou tamén estudos de Tradución no Instituto de Linguas Modernas e Tradutores. Impartiu docencia nas Universidades de Gotinga (Alemaña), Universidade Complutense de Madrid, Universidade Autónoma de Madrid e Universidade Europea de Madrid. Colaborou como tradutor, editor e asesor cun gran número de institucións públicas e empresas privadas. É autor de varias monografías e dun gran número de artigos. Os seus campos de interese son as relacións culturais nun contexto europeo atendendo a unha descrición sociolóxica sistémica e o texto en tanto produto cultural e as súas correspondentes aplicacións á mediación.