Antía Monteagudo Alonso

Breve CV

Antía Monteagudo Alonso (Vigo, 1993) é doutoranda contratada na Universidade de Vigo cunha bolsa do Ministerio de Educación Español e está a realizar unha tese sobre a poesía do cotián na literatura galega e portuguesa contemporánea. Na mesma universidade, graduouse en Estudos de Galego e de Español (2015) e concluíu o Máster para o Ensino na Escola Secundaria. Tamén é mestra en Estudos Literarios, Culturais e Interartes pola Universidade do Porto (2017-2018). Ten publicados varios artigos e críticas literarias en revistas, forma parte do grupo de investigación BiFeGa e do proxecto internacional “PoePolit: Poesía Actual e Política”. Entre as súas áreas de investigación están a poesía galega e portuguesa actual, os traballos intermediais e os estudos comparatistas.