Andrea Fidalgo Giraldez

Breve CV

Graduada en Estudos de Galego e Español pola Universidade de Vigo, onde ademais conseguiu o seu título de Máster Universitario en Profesorado de ESO, Bacharelato e ensino de Idiomas (especialidade en galego e castelán). É membro actual do Persoal Docente e Investigador desta mesma universidade, cun contrato predoctoral da Xunta de Galicia, e do grupo de investigación ELICIN (ELYCE-LITERACINE). Actualmente realiza o seu Doutoramento en Estudos Literarios, investigando as remitificacións donjuanescas da literatura hispanoamericana, centrando o seu traballo nas liñas do comparatismo e os estudos culturais e literarios. Participou en Congresos Internacionais e conta con publicacións relacionadas co seu ámbito de investigación.