O Sistema de Garantía de Calidade do centro constitúe unha ferramenta estratéxica básica para acadar unha mellora continua da Facultade de Filoloxía e Tradución e das súas titulacións oficiais.
Neste sentido, hai que sinalar que o RD 822/2021, polo que se establece a ordenación dos ensinos universitarios oficiais, esixe, para a verificación e acreditación dun título, a incorporación dun sistema de garantía interno para a avaliación, seguimento e mellora da calidade da oferta formativa.
A ACSUG emitiu con resultado favorable o informe de avaliación do deseño do SGC do centro o 26 de abril de 2010. Posteriormente, con data 7 de outubro de 2014, a ACSUG emitiu con resultado favorable o informe de certificación de implantación do SGC no centro. Dita certificación foi renovada con data 11/10/2022.
A documentación do SGC debe estar composta, polo menos, por manual, política e obxectivos de calidade, procedementos, resultados e indicadores, plans de mellora, responsables do SGC e dos procedementos e sistema de xestión documental.